Nagkarambola ang tulo ka sakyanan nga naglakip sa usa ka Suzuki Transformer, delivery truck, ug multicab sa Sayre Highway, Kiocab, Barangay Laguitas, Malaybalay City, pasado ala 1 sa hapon kagahapong adlawa, Mayo 2, 2026.
Tungod sa kakusog sa impak, daling gidala sa balay-tambalanan ang mga drayber ug pasahero nga nakaangkon og mga samad sa lawas samtang gihikay pa sa mga otoridad ang saktong ihap ug identidad sa mga biktima.
Sa pagkakaron, nagpadayon pa ang imbestigasyon sa kapulisan aron masuta kung kinsay sad-an ug unsa ang hinungdan sa maong aksidente sa dalan.
Base sa pinakaulahing report, wala pay gipagawas nga opisyal nga listahan sa mga pangalan sa mga biktima sa aksidente apan ang mga nasamdan daling gidala sa balay-tambalanan alang sa atensyong medikal ug padayon nga obserbasyon. ug gipaabot pa ang dugang impormasyon gikan sa Malaybalay City Police Station.