Nadakpan sa kapulisan ang 28-anyos nga lalaki nga giila isip street-level drug personality atol sa drug buy-bust operation sa Purok-6, Barangay Poblacion, Damulog, Bukidnon alas-11:50 sa gabii niadtong Agosto 18, 2026.
Gipahigayon ang operasyon sa Damulog MPS Drug Enforcement Unit, 2nd Provincial Mobile Force Company, Bukidnon Provincial Intelligence Unit, Buk PPO ug 1003rd Maneuver Company, RMFB-10.
Nakumpiska gikan sa suspek ang upat ka heat-sealed transparent sachets nga adunay gidudahang shabu nga motimbang og 0.4 gramos ug gibanabanang bili nga P2,720.
Nakumpiska usab ang usa ka batik coin purse, Yamaha ignition key, P1,900 nga cash ug usa ka P500 bill.
Giandam na ang kasong paglapas sa Sections 5 ug 11, Article II sa Republic Act 9165 o Comprehensive Dangerous Drugs Act of 2002.
Ang nakumpiskang drug items gidala sa Bukidnon Provincial Forensic Unit alang sa qualitative ug quantitative examination, samtang ang nadakpan anaa na sa kustodiya sa Damulog MPS alang sa dokumentasyon ug hustong disposisyon.