Kabsan sa hinulamang kinabuhi ang 25-anyos nga lalaki human mabangga sa gimanehoang motorsiklo ang usa ka Isuzu Elf truck sa Provincial Road, Purok-1, Barangay Liboran, Baungon, Bukidnon pasado alas 6 sa buntag niadtong milabay’ng adlaw.
Ang biktima nagmaneho sa itom nga Yamaha Aerox nga adunay plakang K2150, samtang ang truck nga iyang nabanggaan adunay plakang LBJ 2580 ug gimaneho sa 40-anyos nga lalaki.
Base sa inisyal nga imbestigasyon sa mga otoridad, nagikan sa manglahing direksyon ang duha ka sakyanan sa wala pa nahitabo ang aksidente.
Gituohang mi-overtake ang rider sa usa ka sakyanan nga iyang gisundan, apan atol niini, nabanggaan ang katagbo nga truck.
Nakahiagom og grabeng samad ang rider ug daling gidala sa ospital, apan wala na kini maluwas.
Samtang, gidala sa Baungon Municipal Police Station ang drayber sa truck ug ang maong sakyanan alang sa tukmang disposisyon ug dugang nga