24-anyos nga lalaki, dakpan sa buy-bust operation sa Maramag, Bukidnon

Nasikop sa kapolisan ang usa ka 24 anyos nga lalaki atol sa usa ka buy-bust operation sa Purok 8, South Poblacion, Maramag, Bukidnon kagahapong adlawa.

Narekober gikan sa suspetsado ang upat ka sachet sa gituhoang shabu nga adunay kinatibuk-ang gibug-aton nga mga lima ka gramo ug gibanabanaang kantidad nga ₱34,000, lakip ang usa ka marked money nga ₱500 ug usa ka motorsiklo.

Samtang, ang mga nakumpiskang ebidensya gidala sa Bukidnon Provincial Forensic Unit alang sa eksaminasyon.