BUTUAN CITY — Patay ang usa ka 21-anyos nga laundry attendant human gipusil sa iyang kanhi hinigugma sa Barangay Ampayon, Butuan City niadtong Sabado sa gabii, Agosto 29, 2026.
Giila ang biktima nga si alyas “Lilah”, residente sa San Luis, Agusan del Sur. Subay sa imbestigasyon sa Butuan City Police Station 4, namilo og nilabhan ang biktima diha sa laundry shop sa Purok 7, Kilometer 8, sa dihang kalit nga miabot ang suspek nga si alyas “Aki” sakay sa motorsiklo.
Sumala sa mga nakataksi, gipakitaan sa suspek og armas ang biktima samtang nangutana kon makigbulag ba kini kaniya. Sa paggawas sa babaye sa maong shop, poypoy nga gipusil kini sa suspek igo sa dughan sa wala pa paspas nga mikiyas.
Gidali pa pagdala sa ospital ang biktima apan nakabsan gihapon kini sa kinabuhi. Sa kasamtangan, nagpadayon ang hot pursuit operation sa kapolisan alang sa pagdakop sa maong suspek.