2-anyos nga batang lalaki nga gitahong nawala, patay na nga nakaplagan sa usa ka sitio sa Camayahan, Butuan City!

Patay na sa dihang nakaplagan ang 2-anyos nga batang lalaki sa usa ka sitio sa Barangay Camayahan, Butuan City, human unom ka adlaw nga gipangita sa mga otoridad.

Gipangunahan sa Women and Children Protection Department (WCPD) sa BCPS 4, uban sa ubang mga ahensya sa gobyerno, ang search operation sukad kini nawala sa Purok 3 sa maong barangay.

Apan sa ulahi, nakaplagan ang patayng lawas sa bata sa usa ka sitio sa Barangay Camayahan samtang sa pagkakron, padayon pa ang imbestigasyon sa kapulisan aron matino ang eksaktong hinungdan sa kamatayon niini ug ang tanang kahimtang nga may kalabutan sa insidente.