Gikumpirma ni Senador Panfilo Lacson nga adunay lakang ang minority bloc sa Senado aron ilisan ang kasamtangang liderato ug ihulip si Senador Sherwin Gatchalian isip bag-ong Senate President.
Matud ni Lacson, tumong sa ilang grupo nga makahatag og “fresh start” ug mapasig-uli ang kredibilidad sa Senado pinaagi sa bag-ong pamunoan.
Dugang usab niini nga nagkahiusa ang 11 ka miyembro sa minority bloc sa pagsuporta kang Gatchalian, nga ilang giisip nga “fresh face” ug walay kaaway sa Senado.
Sa pagkakaron, 11 ang miyembro sa minority samtang 13 ang naa sa majority bloc, busa kinahanglan pa nila og duha ka senador gikan sa majority aron makab-ot ang kadaghanan ug mahimo ang maong plano.
Wala usab gibutyag ni Lacson kung adunay mga senador gikan sa majority nga posible nilang makuha, apan matud niini adunay internal nga pagtinabangay ug task allocation sulod sa ilang grupo.
Dugang pa ni Lacson, posible gihapon nga magpabilin si Senate President Alan Peter Cayetano sa posisyon, apan mahimong “awkward” kini sa sitwasyon kon wala na kini’y suporta sa kadaghanan sa Senado.
Samtang, gipasalig usab ni Lacson nga ugaling mahimong Senate President si Gatchalian isip Senate President, dili kini mahimong babag sa impeachment trial batok kang Vice President Sara Duterte, ug ang ilang mga desisyon magpabilin nga base sa ebidensya ug legal nga proseso.