Misaka na ngadto sa 14 ang ihap sa mga nakalas human sa sunod-sunod nga pagpangatake sa Israel didto sa nasod sa Lebanon. Tungod niini, mas nianam og kapangiyamat ang kahigayonan alang sa usa ka “ceasefire” o hunong-buto tali sa duha ka kampo.
Sumala sa mga taho, ang mga pagpamomba sa Israeli forces niigo sa pipila ka mga dapit sa habagatang bahin sa Lebanon, nga miresulta sa pagkaguba sa mga balay ug pagkamatay sa mga sibilyan. Matod sa Israel, ang ilang target mao ang mga tagoanan sa Hezbollah, apan daghang mga inosenteng kinabuhi ang naangin sa maong kagubot.
Tungod sa nagkagrabe nga tensyon, nabalaka ang mga lider sa tibuok kalibutan nga mas mosamot pa ang gubat ug dili na madayon ang negosasyon alang sa kalinaw. Nagpadayon karon ang paningkamot sa United Nations ug uban pang kanasuran aron mapugngan ang mas dako pang trahedya, samtang nagpabiling mabinantayon ang tibuok rehiyon sa Middle East.