Misaka na ngadto sa 11 ang ihap sa mga nakalot nga nakabsan sa kinabuhi human mabuak ug mobuto ang usa ka dako kaayong tangke sa kemikal sa usa ka pabrika sa papel sa Longview, Washington State, USA.
Matud sa mga awtoridad, hingpit nang nakuha sa rescue teams ang patayng lawas sa siyam ka mga trabahante nga unang nareport nga missing, dungan sa duha ka unang nakit-an nga patay human sa maong trahedya sa Nippon Dynawave Packaging facility. Naggamit pa og mga drone ang mga bombero ug mga eksperto sa hazardous materials aron siksikon ang nagkatag nga mga guba sa sulod sa planta.
Nasayran nga ang mubuak nga tangke adunay sulod nga 3.4 ka milyong litro sa “white liquor”—usa ka matang sa kemikal nga sagol sa sodium hydroxide ug sodium sulfide nga gigamit sa paghimo og papel. Bisan pa man og nakasulod ang maong kemikal sa duol nga Columbia River, gikumpirma sa gobyerno nga luwas ug wala ray dautang epekto ang kalidad sa hangin ug ang agos sa tubig-mainom sa maong dapit.