Duha ka barko ang naunlod duol sa Strait of Hormuz sulod sa miaging 24 ka oras human maigo sa mga “projectile” sa managlahing insidente, sumala sa mga opisyal sa maritime.
Ang GFS Pride, usa ka “container ship”, ug ang Cape Dao, usa ka “cargo ship”, ang na-unlod human sa maong mga insidente.
Usa ka tripulante sa Cape Dao ang namatay, samtang ang tanang 21 ka tripulante sa GFS Pride naluwas ug walay naangol. Misaka ang mga pag-atake sa Strait of Hormuz sa miaging 10 ka adlaw, diin gipakusgan sa Iran ang mga pag-atake isip tubag sa pagbabag sa Estados Unidos sa mga pantalan niini ug sa mas hugot nga mga silot.
Kini ang ikaduha ug ikatulong barko nga naunlod sukad nagsugod ang gubat tali sa Estados Unidos ug Iran niadtong Pebrero 28, sumala sa International Maritime Organization. Tugod niini, gikondena sa Maritime and Port Authority of Singapore ang padayon nga mga pag-atake batok sa komersiyal nga mga barko, nga giingong paglapas sa internasyonal nga balaod.
Gipasidan-an usab sa MARISKS nga ang hulga sa Strait of Hormuz dili lang alang sa mga “oil tanker”, apan lakip na usab ang mga “container ship” ug “bulk carrier”.