Giakusahan ni Ukrainian President Volodymyr Zelenskyy ang Russia nga pila ka beses nga gipuntirya ang eroplano nga iyang gisakyan, sumala sa taho gikan sa Bombo Radyo.
Gihisgutan ni Zelenskyy ang usa ka hitabo sa Moldova diin nagpahigayon og drone attack ang Russia samtang didto ang iyang presidential jet. Matud niya, bisan sa iyang pagbalik diha sa Ukraine, padayon gihapon ang pag-atake ug pagpuntirya sa Russia sa iyang sakyanang pangkahanginan. Una nang gipahayag ni Norwegian Prime Minister Jonas Gahr nga hapit maigo sa drone ang eroplano ni Zelenskyy samtang anaa kini sa kahanginan sa Moldova padulong unta sa Oslo, Norway.
Hinuon, gipahibalo nga walay bisan kinsa sa mga miyembro sa presidential delegation ang naangol ug silang tanan nakasiguro sa ilang kaluwasan.