Mikanaog ngadto sa ika-39 nga puwesto ang world ranking sa Gilas Pilipinas subay sa gipagawas nga pinakabag-ong FIBA Men’s Ranking human sa ikatulo nga bintana sa Basketball World Cup Qualifiers.
Gikan sa kaniadtong ika-36 nga dapit, mimiwa og tulo ka ranggo ang pambansang koponan human sa ilang mga kapildihan batok sa New Zealand (106-102) ug Australia (92-49). Sa kasamtangan, nahimutang ang Gilas sa ika-pito nga puwesto sa Asian zone, diin nag-una gihapon ang nasod sa Australia.
Dili lang ang Pilipinas ang nakasinati og pag-us-os sa ranggo, sanglit nahulog usab sa ika-walo nga puwesto sa tibuok kalibotan ang Australia gikan sa ika-pito nga dapit.
Gilauman nga mausab pag-usab ang ranggo sa Gilas sa ilahang nakatakdang pakig-atbang batok sa Jordan karong Agosto 28 ug sa Iran karong Agosto 30.