Gi-awhag sa Senate Impeachment Court si Bise Presidente Sara Duterte aron motambong sa pagsugod sa impeachment trial batok kaniya karong Hulyo 6, alas-2:00 sa hapon sa Session Hall sa Senado sa Pasay City.
Sanglit dili siya ang personal nga motambong, mahimong ang iyang legal team ang morepresentar kaniya sa maong pagdungog.
Sa imbitasyon nga gipadala sa impeachment court, gimandoan usab ang Bise Presidente nga motuman sa tanang mando, direktiba, ug desisyon sa Senado subay sa Konstitusyon ug sa naglungtad nga mga balaod.
Bisan pa nga gipadayag sa legal team ni VP Sara nga andam silang moatubang sa impeachment trial, hangtod karon wala pa’y opisyal nga kumpirmasyon kon motambong ba siya mismo sa unang adlaw sa pagdungog.
Samatang, ang mosyon ug opening statements una ang pagahisgutan sa unang adlaw sa impeachment trial ni Vice President Sara Duterte sa Hulyo 16, samtang gilauman nga sa ikaduhang adlaw pa magsugod ang presentasyon sa mga ebidensya ug mga testigo.
Lakip sa mga pending motions ang pag-apil sa public ug private prosecutors ug ang pagbukas sa selyadong BIR box nga adunay mga tax records ni VP Sara ug sa iyang bana nga si Atty. Manases Carpio.