Gikuwestiyon ni House Prosecutor Rep. Keith Flores kung nganong mogasto pa og milyon-milyong pesos gikan sa confidential funds alang sa mga aktibidad sa Vice President nga mahimo man gihapon bisan wala na siyay maong pondo.
Matud ni Flores, nagpadayon gihapon si Vice President Sara Duterte sa mga kalihokan sama sa tree planting, Christmas parties ug road-safety events bisan wala na siyay confidential funds.
Reaksyon kini ni Flores sa testimonya ni COA state auditor Xylene Del Campo kalabot sa paggamit sa confidential funds sa Office of the Vice President.
Samtang, gikuwestiyon usab ni House prosecution spokesperson Rep. Zia Alonto Adiong ang paggamit sa confidential funds alang sa mga aktibidad nga mahimo ra man unta nga matubag pinaagi sa regular nga security operations sa gobyerno.
Dugang pa ni Adiong, dili na kinahanglan mogasto og minilyon alang sa seguridad sa mga pampublikong kalihukan sa Vice President tungod kay kaya ra man kini nga ihatag pinaagi sa regular police work.