Nagpiyansa na si Vice President Sara Duterte alang sa tulo ka counts sa kaso nga grave threats sa Quezon City Regional Trial Court, nga mokabat sa P360,000 ang kinatibuk-ang piyansa karong adlawa.
Matud pa sa bise presidente, nawala na ang iyang pagsalig sa mga pulis ug korte, apan dili niya biyaan ang katawhan nga iyang saligan.
Nibutho usab ang mga luha sa mga supporters ni Vice President Sara Duterte sa wala pa siya mosakay sa iyang sakyanan ug giingnan ang bise presidente nga magpakalig-on.
Sa wala pa mobiya, migakos una si VP Sara sa iyang mga supporters nga naghatag kaniya og mensahe sa suporta.
Gipahayag usab ni VP Sara nga nabalaka siya alang sa iyang kaluwasan ug sa iyang mga anak tungod sa mga hulga ug harassment nga iyang nadawat sukad pa niadtong 2023.
Dugang pa niini nga gusto niya madungog sa publiko ang iyang mga pamahayag tungod kay wala siya makahibalo unsay sunod nga mahitabo.