- Advertisement -
INTERNATIONAL — Nagpagawas og security alert ang US Department of State alang sa tanang mga lungsuranon niini nga nagpuyo ug nagtrabaho sa Middle East gumikan sa paspas nga pag-ulbo sa tensyon tali sa Estados Unidos ug Iran.
Gipahimangnoan sa kagamhanan sa US ang ilang mga mamamayan nga magmatngon sa tanang higayon, likayan ang mga demonstrasyon o protesta, ug subsob nga magsubay sa mga pahibalo nga giluwat sa mga embahada sa Amerika sa maong rehiyon.
Ang maong pasidaan gipagawas kasunod sa gihimong pag-atake sa militar sa US batok sa mga pasilidad sa Iran ug sa padayong bahad sa pagbalos gikan sa maong nasod, diin nagpalala sa risgo sa seguridad sa tibuok Middle East.
- Advertisement -