Upat ka lalaki, sikop sa ilegal nga pagpabuto ug paghupot og armas sa Impasugong, Bukidnon

Balhog na sa prisohan ang upat ka lalaki human masikop sa ilegal nga pagpabuto ug paghupot og armas niadtong nakalabay nga adlaw, sa usa ka umahan sa Impasugong, Bukidnon.

Ang mga suspek, nga nag-edad og 19, 21, 47, ug 68 anyos, giingong lango sa ilimnong makahubog sa dihang nahitabo ang insidente sa alas 4:30 sa kaadlawon.

Nakumpiska gikan kanila ang usa ka Caliber .38 revolver, usa ka improvised shotgun, mga bala ug holster.

Kasamtangang anaa na sa kustodiya sa Impasugong MPS ang mga suspek ug ang mga nakuhang ebidensya alang sa tukmang disposisyon.