- Advertisement -
Gidakop ang upat ka lalaki nga giingong nalambigit sa ilegal nga droga atol sa hiniusang buy-bust operation sa Purok 5A, Barangay 9, Malaybalay City, niadtong milabay’ng adlaw.
Narekober sa mga otoridad ang pito ka plastic sachet sa gidudahang shabu nga motimbang og 3.074 gramos ug gibana-banaang nagkantidad og ₱20,903, lakip ang ₱500 nga buy-bust money.
Ang mga suspek, nga nag-edad og 19, 33, ug 42 anyos, giila isip mga Street-Level Individuals (SLIs) ug gidala sa Malaybalay City Police Station alang sa dokumentasyon.
- Advertisement -
Gipahigayon ang operasyon sa Malaybalay CPS Drug Enforcement Unit, 1st Provincial Mobile Force Company, Provincial Intelligence Unit sa Bukidnon Police Provincial Office ug Philippine Drug Enforcement Agency (PDEA).
- Advertisement -