WORLD — Nagpasaka og kaso sa usa ka federal court sa New York ang upat ka dagkong human rights organizations sa Estados Unidos batok sa administrasyon ni President Donald Trump subay sa gipahamtang nga mga sanction batok sa International Criminal Court (ICC).
Nagsikad ang maong kaso gikan sa Human Rights Watch, Center for Constitutional Rights, American Friends Service Committee, ug Open Society Institute aron nga supakakay ang Executive Order ni Trump nga nagpahamtang og silot ug nag-freeze sa pundo sa mga opisyal, huwes, ug prosekutor sa ICC nga nag-imbestigar sa mga war crimes ug genocide.
Gipahayag sa maong mga grupo nga nakalapas ang maong utos sa ilang katungod sa gawasnong pagpahayag (free speech) ug nakabalda sa ilang serbisyo alang sa internasyonal nga hustisya, hinungdan nga gihangyo nila ang korte nga ideklarang iligal ug pawalaon ang maong mga sanction.