Nagtuo ang usa ka eksperto gikan sa World Health Organization (WHO) nga ang labing unang kaso sa Hantavirus nga natala sa usa ka pasahero posibleng wala makuha samtang anaa kini sulod sa cruise ship.
Matod sa maong eksperto, base sa inisyal nga obserbasyon, lagmit natakdan ang maong batan-on sa wala pa kini mosakay sa barko o kaha sa laing dapit nga iyang giadtuan. Gipasabot usab nga ang Hantavirus dili daling motakod gikan sa tawo-ngadto-sa-tawo, gawas kon duna gayoy direktang kontak sa ihi, hugaw, o laway sa ilaga nga dunay dala sa maong virus.
Bisan pa niini, nagpadayon ang hugot nga imbestigasyon aron masuta ang tinuod nga gigikanan sa sakit ug aron masiguro ang kaluwasan sa ubang mga pasahero nga posibleng nakaduol sa namatay nga batan-on.