Gikumpirma ni Presidente Donald Trump niadtong Sabado, Abril 25, 2026, ang pagkansela sa biyahe sa mga pinasahi nga representante nga sila si Steve Witkoff ug Jared Kushner paingon sa Islamabad, Pakistan, alang sa negosasyon sa kalinaw uban sa Iran.
Sumala sa report, gihimo ni Trump ang desisyon sa katapusang minuto human kini mipahayag nga “dili maayo” ang proposal nga gihatag sa Tehran ug dili niinibuot nga mag-usik og oras ang team sa 18 ka oras nga biyahe para lang sa “wala’y pulos nga panaghisgot.ย
Bisan pa sa maong pagkansela, giklaro sa presidente nga wala kini magpasabot og pagpadayon sa giyera, apan gipasiugdahan niini nga ang Estados Unidos ang nagkupot sa “tanang baraha” ug mahimong motawag ang Iran kon seryoso na sila sa negosasyon.
Sa pikas bahin, ang Foreign Minister sa Iran nga si Abbas Araghchi mibiya na usab sa Pakistan human makigtagbo sa mga opisyal didto, dungan sa pag-ingon nga nagpaabot pa sila og tinuod nga timailhan kon seryoso ba gyud ang Amerika sa diplomasya.