Top 7 Most Wanted Person sa Bukidnon nga nag-atubang og kasong Attempted Rape nasikop sa Malaybalay

MALAYBALAY CITY, BUKIDNON — Nasikop sa mga awtoridad ang usa sa mga labing gipangitang kriminal sa lalawigan human gisilbihan og warrant of arrest sa Purok 5, Barangay Kwatro, Malaybalay City niadtong Sabado, Agosto 29, 2026.

Giila ang suspetsado nga si Rolly D. Alfon, 29-anyos ug residente sa Barangay 10, kinsa nalista isip Top 7 Most Wanted Person sa provincial level ug Top 5 sa city level.

Gidakop si Alfon sa hiniusang operasyon sa Malaybalay City Police Station, Bukidnon Police Provincial Office (Buk PPO), ug RIU-10 tungod sa kasong Attempted Rape ubos sa Republic Act 7610 o Child Abuse Law. Gitakda sa korte ang pyansa nga ₱120,000 alang sa iyang temporaryong kagawasan, habig sa kasamtangan niyang pagkatanggong sa Malaybalay CPS.