Nadakpan sa kapulisan ang Top 1 Regional Most Wanted Person sa usa ka hiniusang operasyon sa Opol, Misamis Oriental alas-11 sa buntag niadtong Oktubre 5. Ang nadakpan giila lamang sa alyas “Marlo,” 53 anyos ug residente sa Cagayan de Oro City.
Giatubang niini ang tulo ka kaso sa rape ug duha ka kaso sa rape pinaagi sa sexual assault, diin tulo niini walay piyansa samtang 200 mil pesos ang girekomendang piyansa sa matag usa sa duha ka kaso.
Nasikop ang suspek pinaagi sa Tracker Team sa Opol MPS, kauban ang Misamis Oriental Police Provincial Office ug 2nd Provincial Mobile Force Company.
Matud ni PRO-10 Regional Director PBGen. Nestor C. Babagay Jr., walay luwas nga tagoanan alang sa mga wanted person sa Northern Mindanao. Anaa na sa kustodiya sa Opol MPS ang suspek alang sa hustong proseso.