Nadakpan sa kapulisan ang Top 1 Most Wanted Person sa lebel sa siyudad sa Malaybalay atol sa operasyon sa Barangay Bugcaon, Lantapan, Bukidnon.
Ang suspetsado giila nga si Romnick Obial Lantaco, 35 anyos, minyo ug drayber, residente sa Barangay Aglayan, Malaybalay City.
Gidakop siya pinaagi sa warrant of arrest alang sa upat ka kaso sa Qualified Rape of a Minor, nga walay girekomendar nga piyansa.
Gipahigayon ang operasyon sa hiniusang pwersa sa Lantapan Municipal Police Station, Bukidnon 1st Provincial Mobile Force Company, 1004th Maneuver Company, Regional Mobile Force Battalion 10, ug Bukidnon Provincial Intelligence Unit.
Sa pagkakaron, anaa na sa kustodiya sa Lantapan Municipal Police Station ang nadakpan aron atubangon ang mga kasong gipasaka batok kaniya.