Madasigong gisugdan sa Pinay tennis star nga si Alex Eala ug sa iyang partner nga si Zeynep Sonmez sa Turkey ang ilang kampanya human nila gipildi ang parisan nila ni Sorana Cirstea ug Donna Vekic aron mosulod sa round of 16 sa doubles category sa Madrid Open.
Gipakita sa duha ang lig-on nga teamwork pinaagi sa ilang kadaugan sa straight sets, 6-3, 6-2. Nakakuha og dako nga pagtagad ang kaabtik ni Eala sa korte, samtang si Sonmez mihatag usab og solido nga suporta aron daling mahuman ang dula sulod lamang sa usa ka oras.
Tungod niining maong kadaugan, sunod nga makaatbang sa parisan ni Eala ang mas eksperyensiyadong duo nila ni Desirae Krawczyk ug Caroline Dolehide sa United States. Samtang nagpadayon ang iyang doubles stint, gipaabot usab sa mga fans ang sunod nga dula ni Eala sa singles category batok kang Anastasia Pavlyuchenkova.