Gibutyag sa Police Regional Office-10 (PRO-10) nga padayon ang ilang kampanya batok sa loose firearms ug illegal drugs aron mapugngan ang nagkadaghan nga insidente sa pagpamusil ug krimen sa rehiyon, ilabi na sa Bukidnon diin naay mga natala nga shooting incidents sa pipila ka lungsod sama sa Valencia ug Maramag.
Sumala ni Police Major Joann G. Navarro, ang tigpamaba sa PRO-10, nga adunay dakong epekto kini sa kahadlok sa katawhan, busa gipalig-on sa kapulisan ang pagpahigayon og mga operasyon lakip na ang pag-implementar sa search warrant ubos sa RA 10591 o Firearms Law aron mahibaw-an ug makumpiska ang mga illegal nga armas.
Nanawagan usab sa publiko nga makigtambayayong pinaagi sa pagreport sa mga indibidwal nga adunay dili lisensyadong armas, gumikan usa kini usa sa epektibong paagi aron mapugngan ang paggamit niini sa krimen.
Sa pikas bahin sa kampanya batok sa illegal nga druga, nga padayon gihapon ang problema bisan pa sa sunod-sunod nga operasyon.
Matud sa opisyal, nga kinahanglan ang “whole-of-nation approach” diin lakip ang PDEA, mga LGU, ug Barangay Anti-Drug Abuse Councils aron mapalambo ang drug clearing operations ug maideklarar nga drug-cleared ang mga barangay sa rehiyon. [