Speaker Bojie Dy nanawagan sa mga parlyamento sa ASEAN nga maghatag og konkretong resulta

Nanawagan si House Speaker Faustino “Bojie” Dy III sa mga parlyamento sa rehiyon nga ilang himuong konkretong resulta ang ilang panagtinabangay pinaagi sa lig-on nga mga balaod, institusyon ug programa para sa katawhan.

Atol sa ika-49 nga anibersaryo sa ASEAN Inter-Parliamentary Assembly o AIPA, gipahayag niini nga ang pagsalig sa publiko dili makuha sa mga pahayag lamang, kundili sa mga balaod ug institusyong adunay tinuod nga epekto sa kinabuhi sa mga tawo.

Gitukod ang AIPA 49 ka tuig na ang milabay sa Maynila pinaagi sa Indonesia, Malaysia, Pilipinas, Singapore ug Thailand. Sa ika-47 AIPA General Assembly sa Maynila karong Nobyembre, hisgutan ang seguridad, ekonomiya ug kaayohan sa mga molupyo sa rehiyon.