Nakumpiska ang P2 milyon nga smuggled nga sibuyas nga gikaingong gikan sa China, giplanohang posibleng iturn-over kini sa KADIWA centers.
Gibutyag ni Jose Apollo Y. Pacamalan, Regional Executive Director sa Region 10, Department of Agriculture X nga ang 25 ka metrikong tonelada nga smuggled nga sibuyas nakumpiska sa Department of Agriculture ug Bureau of Customs sa Mindanao International Container Terminal sa Misamis Oriental kagahapong adlawa.
Matud ni Pacamalan nga ginakonsidera sa ahensya nga i-turn-over kini sa KADIWA Center sa higayong masusi nga luwas kining ikonsumo.
Gidugang pa niini nga padayon ang imbestigasyon sa otoridad alang sa pagsuta sa gigikanan, paingnan ug mga tao nga nagpaluyo niini.
Sa laing bahin, giawhag sa ahensiya ang mga mag-uuma sa probinsiya sa Bukidnon, nga mudangop sa matag opisina sa munisipyo sa Department of Agriculture, alang sa pagkuha sa mga binhi sa humay ug ubang binhi nga gitanyag alang sa pagtabang sa pagpalambo sa produksyon sa mag-uuma.