Gipahibalo ni Senate President Alan Peter Cayetano nga karong adlawa alas-tres sa hapon Mayo 18, mag-convene ang Senado isip impeachment court alang sa kaso ni Vice President Sara Duterte.
Sumala sa sulat ni Cayetano ngadto sa mga senador, gidasig niini ang tanan nga magsul-ob og robe sumala sa Senate rules sa impeachment trial, ug manumpa isip mga senator-judges.
Human sa pagpanumpa, officially ma-constitute na ang Senado isip impeachment court.
Sunod niini, mag-isyu sila og summons sulod sa 10 ka adlaw ngadto sa respondent sa impeachment, ug ihatag ang kopya sa articles of impeachment.
Hatagan usab og 10 ka adlaw ang ma-impeach nga opisyal aron motubag sa kaso.
Human niini nga proseso, magsugod na ang impeachment trial, nga posibleng mahitabo sa bulan sa Hunyo.
Gipasiugda ni Cayetano nga ang proseso mosunod sa rules of impeachment trial, lakip na ang pagsugod sa summons, pag-file sa tubag, ug sunod ang pormal nga pagdungog sa kaso.