Sen. Raffy Tulfo gikwestiyon ang pagpanag-iya ni VP Sara og negosyo samtang naa sa katungdanan

Gibutyag ni Senator-judge Raffy Tulfo nga kinahanglan unta nag-divest si Vice President Sara Duterte sa iyang business interests sa dihang milingkod siya isip bise presidente.

Matud ni Tulfo, giangkon matud pa ni Duterte sa usa ka sworn document nga iya ug sa iyang bana nga si Atty. Manases Carpio ang kompanya.

Giingon ni Tulfo nga kung wala ideklara ni Duterte ang iyang pagpanag-iya, mahimong isyu kini sa non-declaration. Apan kung ideklara man, mahimo usab kini nga isyu ubos sa Article VII, Section 13 sa 1987 Constitution.

Natingala usab ang senador kung nganong walay nakapahimangno sa bise presidente nga gidili sa Konstitusyon ang pagpanag-iya o pag-apil sa negosyo samtang anaa sa katungdanan.