Sa unang higayon sa impeachment trial batok kang Vice President Sara Duterte, direktang nangutana si Senator-Judge Lito Lapid kang kanhi Office of the Vice President Special Disbursing Officer Gina Acosta bahin sa mga acknowledgment receipt nga adunay mga ngalan nga kapareho o katunog sa pipila ka personalidad.
Gisusi ni Lapid ang pagdumala ni Acosta sa confidential funds, lakip ang ₱125 milyon nga gi-release kang Col. Raymond Lachica, diin kapin ₱80 milyon ang gihatag ngadto kaniya samtang ang nahibiling ₱45 milyon gibutang sa vault sa OVP.
Gikuwestiyon usab ni Lapid kung nganong dako ang pagsalig ni Acosta sa mga dokumentong gisumite ni Lachica, ilabi na ang mga acknowledgment receipt nga adunay mga ngalan nga kapareha sa pipila ka senador ug bisan sa iyang kaugalingong apelyido.