Nangayo karon og pag-ampo ug suporta ang tim sa Secondary Boys Basketball 3×3 sa Northern Mindanao (NorMin) Region-Ten (10) alang sa ilang pagsabak sa Palarong Pambansa 2026 human makasulod sa nasudnong kompetisyon sa unang higayon sa kasaysayan sa rehiyon.
Sa eksklusibong pakighinabi sa Bombo Radyo Malaybalay, gibutyag ni Coach Jayson M. Dulhao nga bisan og kadaghanan sa iyang mga magdudula mga first-timer sa maong prestihiyosong torneyo, duna gihapo’y pipila nga nakadula na kaniadto sa PRISAA nga makatabang sa ilang estratehiya. Una niini, sayong miabot ang delegasyon didto sa Agusan del Sur niadtong Lunes aron dinalian nga maka-adjust sa klima ug mapahigayon ang katapusang hugna sa ilang preparasyon.
Gidugang ni Dulhao nga dako og tabang ang maayong akomodasyon ug komportableng pasilidad nga ilang nadawat aron mapadayon ang saktong kondisyon sa mga atleta. Mipasalig ang maong mentor nga bisan pa man kon nag-unang hagit ang kalig-on sa mga kaatbang gikan sa laing rehiyon, buhaton sa Region-Ten (10) ang tanan aron makab-ot ang gitinguhang bulawanong kadaugan.