Gipahigayon ug gipatuman sa Malaybalay City ang “Safer City” ordinance nga nagtinguha sa pagpalig-on sa kahusay, disiplina, ug kaluwasan sa mga residente ug bisita.
Bombo Radyo Malaybalay kang Kapitan Julius Maghano, Liga President sa Malayabalay City Peace and Order & Public Safety Committee Chairperson, daghang barangay na ang nakaagi og oryentasyon aron ma-refresh ang kahibalo sa mga residente mahitungod sa maong ordinansa, nga gi-angkla usab sa mga direktiba sa Department of the Interior and Local Government (DILG).
Lakip sa mga importante nga probisyon sa ordinansa mao ang pagdili sa pag-inom og ilimnong makahubog sa pampublikong lugar, ilabi na sa mga kanto-kanto ug dalan; pagpatuman sa city-wide curfew nga magsugod alas 10:00 sa gabii; ug ang pagdili sa paglakaw-lakaw o paglingkod-lingkod sa mga kadalanan sa oras nga sakop sa curfew.
Gipahimangno sa mga opisyal nga bisan pa man sa pagkatawo sa mga Pilipino nga sosyal ug hilig magtapok-tapok, aduna nay mga nadakpan nga naglapas sa ordinansa.
Ilang gitandi kini sa unang implementasyon sa helmet law, diin sa sinugdanan adunay pagbatok apan sa kadugayan nasunod ra gihapon sa kadaghanan.
Gidasig sa lokal nga kagamhanan ang publiko nga mosunod sa balaod aron malikayan ang multa ug mga problema, ug aron mapadayon ang kahapsay ug kaluwasan sa komunidad sa Malaybalay City.