Russia, giingong luyo sa arson attack nga nag target sa Prime Minister sa UK

Nakaplagang sad-an sa korte sa London si Roman Lavrynovych, 22-anyos nga Ukrainian, tungod sa iyang pag-apil sa usa ka laraw sa arson nga naglambigit sa pagsunog sa usa ka propiedad nga konektado kang UK Prime Minister Sir Keir Starmer.

Sumala sa imbestigasyon, giingong gi-recruit kini pinaagi sa Telegram sa usa ka handler nga adunay alyas nga “EL,” nga gituohang adunay koneksyon sa Russia.

Lakip sa ebidensya ang mga mensahe, video ug testimonya nga nagdugtong sa mga akusado sa krimen.

Duha pa ka suspek ang giakusahan sa pagtarget sa mga propiedad nga nalambigit sa prime minister, samtang usa ka akusado ang napawalang-sala.

Gilimod usab sa Russian Embassy ang ilang kalambigitan sa insidente.