Rollback sa presyo sa diesel, posibleng mapapas tungod sa pagsaka sa presyo sa lana 

Gilauman nga mahimong mapapas ang rollback sa presyo sa diesel tungod sa posibleng dugang usbaw sa presyo sa lana sa world market.

Base sa unang tulo ka adlaw sa trading, misaka og ₱1.55 matag litro ang diesel, ₱0.29 ang gasolina ug ₱0.03 ang kerosene.

Matud sa pipila ka kompanya sa lana, posible pang mosaka kini sa nahibiling duha ka adlaw tungod sa tensiyon sa Strait of Hormuz ug hinay nga negosasyon tali sa US ug Iran.

Sa Pilipinas, kapin ₱18 kada litro ang gisaka sa diesel sa miaging tulo ka semana sa wala pa ang rollback, samtang kapin ₱15 ang nadugang sa gasolina.