Hingpit nang kumpirmado ang pagbalik sa tinuod nga “Bad Boy” sa pelikulang Pilipino human gipahibalo ang bag-ong proyekto sa aktor ug mambabalaod nga si Senador Robin Padilla diin mabuhi pag-usab ang iyang sikat nga action star persona.
Sa gipahigayon nga story conference alang sa maong pelikula, gipahayag ni Padilla ang iyang kahinam nga makabalik sa paghimo og mga action nga salida, butang nga dugay nang gihulat sa iyang mga tigsundog ug taga-suporta. Matod pa kaniya, lahi kini nga matang sa “Bad Boy” tungod kay mas hamtong ug duna’y mas lawom nga istorya ang iyang pagadad-an nga karakter.
Gipasalig usab sa produksyon nga siksik sa kulba-hinam nga mga action scenes ug dako nga produksyon ang maong pelikula aron mahatagan og hustisya ang pagbalik ni Padilla sa big screen. Gilauman nga sugdan na ang shooting sa labing madaling panahon ug ipagawas kini karong tuiga.