Revilla, nagpasaka og petition for bail sa kasong malversation – Sandiganbayan

Gikompirma sa Sandiganbayan Third Division nga nagpasaka og petisyon ang kampo ni kanhi Senador Ramon “Bong” Revilla Jr. aron tugotan nga makapagpiyansa sa iyang non-bailable nga kaso sa malversation.

Ang kaso may kalabotan sa giingong P92.8 milyon nga ghost flood control project sa Pandi, Bulacan.

Kahinumduman, nga kaniadto nagpasulod og not guilty plea ang Sandiganbayan Third Division alang kang Revilla human siya nagdumili sa pagsumite sa iyang plea atol sa arraignment.

Sa laing bahin, ang Sandiganbayan Fourth Division una nang nagpasulod usab og not guilty plea sa kaso sa graft batok sa kanhi senador.