Nagtuo si Akbayan Party-list Representative Chel Diokno nga dili ang pagpaubos sa edad sa criminal liability ang tukmang tubag sa natigayung school shooting sa Tacloban City, kondili ang pagpalig-on sa mga balaod nga nagdumala sa pagpanag-iya ug paggamit sa mga armas.
Matud ni Diokno, gawas sa duha ka menor de edad nga suspek, kinahanglan usab imbestigahan ang ilang mga ginikanan tungod sa posibleng responsibilidad ubos sa Juvenile Justice Law kon adunay kapakyasan sa ilang pagbantay.
Nanawagan usab siya sa mas hugot nga implementasyon sa gun laws ug mas bug-at nga silot batok sa mga tag-iya sa armas nga nagpasagad ug nagtugot nga magamit kini sa mga menor de edad.
Samtang, gisugyot usab ni Diokno nga mahimong usa sa mga prayoridad sa gobyerno ang pagreporma sa justice system pinaagi sa iyang gihangyo nga Justice System Review Commission.
Tumong niini ang paspasan nga paghusay sa mga kaso, maminusan ang backlog sa mga korte, masulbad ang overcrowding sa mga prisohan, ug mapalapad ang legal nga tabang alang sa ordinaryong mga Pilipino.