Misaka og kapin duha ka porsyento ang presyo sa petrolyo sa panlahat nga merkado diin miabot sa kapin $90 matag bariles ang Brent crude, kasunod sa bag-ong pag-ulbo sa tensyon tali sa Estados Unidos ug Iran.
Nahitabo ang pagtaas sa presyo human nagpahigayon ang militar sa Amerika og pag-atake batok sa mga rocket launcher sa Iran sa Larak Island duol sa Strait of Hormuz. Isip ganti, nagpalupad usab ang Iran og mga misil nga miigo sa mga pasilidad sa US sa Jordan, diin gipahayag ni US President Donald Trump nga mobalos ang Amerika sa maong pag-atake.
Tungod sa maong kagubot sa Strait of Hormuz—diin nagaagi ang ikalimang bahin o one-fifth sa suplay sa crude oil ug gas sa kalibotan—subling nabalaka ang mga ekonomista sa posibleng krisis sa suplay sa lana ug sa padayong pagtaas sa presyo sa mga palalitun o inflation sa nagkadaiyang nasod.