Posibleng moubos ang presyo sa diesel ug gasolina sa sunod semana, base sa pinakabag-ong lihok sa merkado sa lana.
Gibanabana nga mahimong moubos og P3.50 hangtod P4.00 kada litro ang diesel, samtang P0.25 hangtod P0.75 kada litro ang posibleng ikaltas sa presyo sa gasolina, sumala sa usa ka source gikan sa oil industry.
Ang maong projection gibase sa dagan sa Mean of Platts Singapore o MOPS ug sa foreign exchange averages sa milabay nga upat ka adlaw.
Matud sa source, nakatabang sa pagpaubos sa presyo sa lana ang mas gamay nga epekto sa gipaabot nga sanctions sa Estados Unidos, kumpara sa posibilidad nga mosamot ang tensyon militar.
Gilauman nga magpagawas ang mga kompanya sa lana sa ilang opisyal nga price adjustment karong Lunes, nga kasagarang ipatuman sa mga mosunod nga adlaw.