WORLD — Giinsistir ni Iran President Masoud Pezeshkian nga panahon na aron tapuson ang pila na ka buwan nga giyera sa Middle East ug batok sa Estados Unidos.
Sa usa ka tigum, gipadayag ni Pezeshkian nga mas maayong tapuson na ang giyera sa pagkakaron samtang aduna pa silay kusog ug dungog. Gipahayag usab sa presidente nga giila sa kalibutan ang ilang kadaugan, samtang gihukman niini ang Amerika sa pag-atake sa ilang mga tunghaan, ospital, ug imprastraktura nga usa matud pa ka dakong paglapas sa mga internasyonal nga regulasyon.
Gidepensahan usab ni Pezeshkian ang memorandum of understanding nga ilang gihan-ay uban sa US niadtong Hunyo, diin gipatin-aw niya nga dili kini timaan sa pagkasuko o pagpuyos sa Tehran. Ang maong pamahayag gihimo human nga giaprobahan sa ilang Supreme Leader nga si Mojtaba Khamenei ang kasabotan aron sa pagtapos sa giyera taliwala sa nagkalainlaing mga panan-aw.