Pres. Marcos, gidayeg ang 10 ka LGU sa Galing Pook Awards

Gidayeg ni Pangulong Ferdinand Marcos Jr. ang napulo ka lokal nga pangagamhanan nga nagpatuman og mga bag-ong programa alang sa kaayohan sa ilang mga residente atol sa Galing Pook Awards sa Malacañang.

Gikan sa 208 ka programa nga gisumite sa 148 ka LGU, napili ang napulo ka inisyatiba nga nagpakita og inobasyon ug maayong pagdumala.

Samtang, nagdumili si DILG Secretary Jonvic Remulla sa pagkomento bahin sa iyang pahayag nga nakagawas na sa nasud ang negosyanteng si Atong Ang, nga gi-report nga nakita sa Cambodia.

Matud ni Justice Secretary Frederick Vida, dili makumpirma sa Department of Justice ang pagbiya ni Ang sa nasud tungod kay walay rekord sa Bureau of Immigration nga nagpamatuod niini.