Dakong kagubot ang posibleng mahitabo sanglit walay pre-trial nga ipahigayon sa mga dagkong kaso sa korte kalabot na sa impeachment case batok kang bise-presidente Sara Duterte.
Kini ang gihimug-atan sa usa ka legal analyst nga si Atty. Orlando “Orly” V. Montalban, diin iyang gipasabot nga ang pre-trial conference usa ka mahinungdanong lakang sa proseso sa hustisya aron mapugngan ang mga gitawag nga “ambush strategies” o ang kalit nga pagtumaw sa mga isyu ug ebidensya tali sa duha ka kampo.
Matud pa ni Montalban, kon laktawan ang maong proseso, dako ang kahigayunan nga makalitan ug magkapuliki ang usa ka habig tungod sa mga komplikadong isyu ug mga saksi nga dili pa andam muatubang sa hawanan sa korte.
Dugang pa niini, nga pinaagi sa pre-trial, malimitahan ug mahan-ay ang mga isyu nga angay sundon ug tutokan sa mismong impeachment trial.
Diri usab sa maong proseso dungan nga mailhan, mamarkahan, ug maplantsa ang mga ebidensya ug proposed stipulations sa matag bahin aron mahimong mas hapsay ang dagan sa kaso.