Gilauman sa usa ka financial analyst nga magpabiling lig-on ang bili sa piso bisan pa sa nagkagrabeng tensyon tali sa Estados Unidos ug Iran sa Middle East.
Sumala sa financial analyst nga si Rohel Morales, ang padayon nga panagbangi ug mga pamahayag sa mga lider sa maong rehiyon mahimong makaapekto sa kalibotanong merkado ilabina sa presyo sa produktong petrolyo nga adunay dakong epekto sa ekonomiya.
Gipasabot usab nga ang kagubot sa Strait of Hormuz, usa sa labing importante nga agianan sa mga barkong nagkarga og lana, mahimong mosangpot sa pagsaka sa presyo sa krudo ug sa posibilidad sa sunod-sunod nga oil price hike sa umaabot nga mga semana.
Bisan adunay rollback sa presyo sa lana sa miaging mga adlaw, gilauman nga ang paglala sa tensyon sa Middle East mahimong magpataas pag-usab sa presyo sa petrolyo ug makaapekto sa bili sa salapi, ekonomiya, ug panginabuhian sa mga nasud nga nagsalig sa imported nga lana, lakip na ang Pilipinas.