Pinakapaspas nga humanoid robot sa kalibutan makita sa nasud China

Nakadani og dakong atensyon ang humanoid robot nga “Superman” sa Chinese robotics company nga Unitree human gipakita nga kaya niini modagan hangtod sa 45.6 kilometros kada oras, mas paspas kaysa sa gibanabana nga 44 km/h nga top speed ni Olympic sprint legend Usain Bolt.

Gipakita usab sa kompanya niadtong Agosto 17 nga ang robot makahimo og paglukso og hangtod duha ka metros ug luwas nga makalanding gamit ang duha ka tiil.

Apan, sumala sa report, ang maong performance figures gikan mismo sa Unitree ug wala pa nakumpirma sa independent third party.