Pagsaka sa presyo sa produktong petrolyo, masinati karong adlawa

Subling mutaas ang presyo sa mga produktong petrolyo sa mga oil company sugod karong adlawa Martes, Mayo 26, sumala sa pahibalo sa Department of Energy (DOE).

Matud sa DOE, mosaka og ₱1.96 kada litro ang diesel,  ₱1.60 sa gasolina , ug ₱1.45 sa kerosene.

Kini na ang ikalima ka sunod nga semana nga nagtaas ang gasolina, samtang ikaduha na ka sunod nga pagtaas sa diesel.

Sumala sa mga report, nagpabilin gihapon nga hugot ang suplay sa kalibutanong merkado sa lana, uban ang posibleng pagbalhin sa supply gikan sa Asya paingon sa ubang rehiyon tungod sa pagkunhod sa produksyon sa Europe.

Epektibo ang bag-ong price adjustment alas-6 karong buntag.