Posibleng manubag ug mahatagan og silot ang mga miyembro sa House prosecution panel o bisan ang mga Senator-Judge kung makalapas sila sa sub judice rule nga gipahimutang sa Senate Impeachment Court.
Sumala kang Representative ug House prosecution adviser Robert Ace Barbers, adunay klarong mekanismo ang Impeachment Court alang sa pagpatuman sa maong lagda.
Sa unang paglapas sa sub judice rule, reprimand o pahimangno ang mahimong ipahamtang.
Kung abogado ang nakalapas, mahimo usab siyang ma-reklamo sa Integrated Bar of the Philippines o sa Korte Suprema tungod sa posibleng paglapas sa professional rules ug code of conduct sa mga miyembro sa Bar.
Lakip usab sa maong accountability ang mga Senator-Judge.
Kung usa ka abogado nga Senator-Judge ang makalapas sa Rule 18 o sub judice rule, mahimo siyang ma-reklamo sa Senate Committee on Ethics, ingon man sa IBP o Korte Suprema.