Posibleng mokunhod og P4.50 hangtod P5.00 matag litro ang presyo sa diesel ug gasolina sa sunod semana, gumikan sa pag-ubos sa global oil prices ug paglig-on sa piso batok sa dolyar.
Base sa lihok sa Mean of Platts Singapore o MOPS ug average foreign exchange sa milabay nga upat ka adlaw, gilauman ang hangtod sa P5.00 nga rollback sa presyo sa diesel ug gasolina.
Matud sa usa ka industry source, nakatampo sa pag-ubos sa presyo sa krudo ang paghupay sa tensyon sa Middle East, lakip ang bag-ong paglaum sa diplomatikong pagsulbad sa panagbangi tali sa Estados Unidos ug Iran.
Gilauman usab nga makatabang ang mas lig-on nga piso batok sa dolyar sa pagpaubos sa presyo sa petrolyo. Kasagarang ipahibalo sa mga kompanya sa lana ang ilang price adjustment matag Lunes, nga ipatuman sa Martes.Â