Hingpit nga gibulsa sa Norway ang kadaogan batok sa Senegal sa nagpadayon nga FIFA World Cup 2026.
Gipildi sa Norway ang Senegal sa iskor nga 3-2 aron makasiguro sa ilang pag-abante ngadto sa Round of 32 sa torneyo.
Nakapuntos si Marcus Pedersen sa unang goal sa ika-43 minuto, ug gisundan sa duha ka goal ni Erling Haaland sa ika-48 ug ika-58 minuto.
Mibawi si Ismaïla Sarr alang sa Senegal sa ika-53 minuto ug nakadugang pa sila og usa ka goal sa injury time, apan kulang gihapon aron maapsan ang Norway.
Sa kasamtangan, adunay upat ka goal si Haaland sa torneo ug usa siya sa mga nag-unang kandidato alang sa Golden Boot award.
Samtang ang Senegal, nga napildi usab sa France, kinahanglan modaog batok sa Iraq aron magpabiling buhi ang ilang tsansa nga makaabante sa sunod nga hugna.