Sikop sa Sugbo, Cebu ang giilang Top 2 Most Wanted Person sa rehiyonal nga lebel sa Police Regional Office 10 gumikan sa kasong pito ka counts sa Statutory Rape.
Nadakpan ang 37-anyos nga suspek nga naila lang sa alyas nga “Glen”, kinsa usa ka construction worker ug residente sa Valencia City, Bukidnon, atol sa gihimong manhunt operation sa Sitio Targetan, Barangay Pandacan, Pinamungajan, Cebu.
Sa maong operasyon nga gikasa sa kapulisan ubos sa “OPLAN SHIELD” pinaagi sa hiniusang pwersa sa Valencia City Police Station ug mga operating units gikan sa Sugbo ug Bukidnon, pinasikad sa warrant of arrest nga gi-isyu sa Regional Trial Court sa Malaybalay City.
Walay piyansa nga girekomenda alang sa temporaryong kagawasan sa suspek nga kasamtangang anaa sa kustodiya sa Pinamungajan Police Station sa dili pa kini i-turnover ngadto sa korte nga nagpagawas sa warrant batok niini.